Papalitan ni Senate President Pro Tempore Panfilo “Ping” Lacson si Senador Rodante Marcoleta bilang chairman ng Blue Ribbon Committee.
“Yes”, ang sagot ni Senate President Vicente “Tito” Sotto III nang tanungin ng mga reporter kung si Lacson na ang uupong chairman ng Blue Ribbon Committee.
Sabi ni Sotto, hindi naman maaaring manatili si Marcoleta bilang pinuno ng komite dahil hindi ito kasapi ng bagong majority sa Senado.
“He [Marcoleta] is not a member of the majority.
The Blue Ribbon is reserved for the majority,” saad ni Sotto na pinalitan sa puwesto si dating Senate President Francis “Chiz” Escudero nitong Lunes, Setyembre 8.
Paglilinaw pa ni Sotto, wala naman sa rules ng Senado na kailangang abogado ang mamuno sa Blue Ribbon Committee at naniniwala din siya sa “investigative prowess” ni Lacson.
“Yes.
No such thing.
In the 9th Congress, we elected Sen.
Sonny Alvarez as Blue Ribbon Chair.
He was not a lawyer.
In fact, kung karaniwang lawyer lang, mas mahusay ang investigative prowess ni Sen Lacson,” ani Sotto.
Ang Blue Ribbon Committee ang nag-iimbestiga sa maanomalyang flood control projects sa bansa.
(Dindo Matining)
